0%

做生意嘅點會同錢作對?面對成本上漲,Made in China 係唔少品牌生產時嘅節流方案。「唔跟大隊走」嘅原因離不開品牌意識同市場定位,但亦都有唔少品牌好似 Power Support 有另一個好重要嘅考量 - 技術限制!

 

日本品牌 Power Support 嘅 Air Jacket 簡約直白嘅日式風格配上「Made in Japan」解釋咗點解呢個系列一直長青,但你又估唔估到堅持日本製造唔多唔少同殼框嘅底邊有好大關連?

同樣都係 PC 硬殼,市面上絕大部分嘅產品好多都只係做到三邊包覆,下方喇叭位同 Lightning 頭嘅第四邊往往都直接開 U 形口 - 基於生產過程中,要將一個殼從金屬模分離,好多時都要靠呢個開口位做施力點,否則要喺冷卻前取下殼身係一件困難事。

相反 Air Jacket 日本原廠就採用咗特殊烤漆技術,令到殼框四邊只需純單一物料就可以造到全包覆,唔似其他廠家會靜靜雞混合 TPU 封齊第四邊,又或者喺兩邊加個少少嘅切口以方便生產,即使唔好 Home Button 附近邊位率先著地都唔會硬食損傷!