【 致敬!iMac 20 周年再現經典!Spigen 推出復刻經典設計 iPhone 保護殼 】

Posted by 康 吉 25/05/2018 0 Comment(s) 最新情報,

每個人心中都有一個經典,作為果迷,心中的經典必然係 20 年前的 iMac G3。

 

 

原來唔經唔覺,Apple iMac 已經 20 周年。當年 Steve Jobs 發表的 iMac G3,半透明的外殼、奪目的藍色、All-in-one 的 CRT 螢幕、主打 internet 的策略,唔單只顛覆左世人對電腦的想像、改變左我地使用電腦的習慢,仲令 Apple 公司由谷底逐漸走向高峰,亦對 Apple 的後來產品線有唔少的影響。

 

作為果迷的你,有冇曾經擁有過一部 iMac G3 呢?

 

 

就喺 iMac 面世的 20 年後今日,手機保護殼品牌 Spigen 就推出左一系列向 iMac G3 致敬的 iPhone 保護殼,一齊同你 Back to the Classics。

 

承襲 iMac 豐富的色彩及可以見到內部零件的半透明外殼設計特色,今次的 Spigen Classic C1 就一於採用雙層設計來模彷。外層採用類近 iMac G3 顏色的半透明外殼,內層就模彷電路板設計。兩層疊埋,睇落真係好有當年 iMac G3 的感覺。

 

 

Bondi Blue 係 iMac 的第一個顏色,同以往清一色的沉悶米白色唔同,當時真係係令人「哇」一聲!受到好評之後,iMac G3 之後亦相繼推出其它顏色,色彩豐富的 iMac 令電腦比人的感覺更加人性化以及個性化。大膽以及眼光獨到的顏色設計更加係令當時 iMac 受歡迎的原因之一。

 

細節決定成敗,Spigen 當然都復刻左好幾隻唔同的顏色了:

 

 

當然了,作為手機保護殼,基本的防摔防刮功能細節亦同樣兼備。保護殼的外層係堅硬的防撞材質、內層係吸震的彈性保護層;四個角落都有 Air Cushion 氣墊保護;按鈕觸覺良好;相機同螢幕邊沿升起,令手機平放枱面時都唔會碰到枱面,防止刮傷。

 

 

除左 iMac G3,要數另一 Apple 經典,就非 iPhone 莫屬了。同樣顛覆世人對手機的想像、改變左人們的手機使用習慣,既然要再現經典,又點可以漏左呢個 10 年前的經典呢?

 

初代 iPhone 圓潤的線條、銀黑的配色,Spigen 同樣復刻左初代 iPhone 的外觀設計,成為 Spigen Classic One。

 

將 Classic One 套上 iPhone X,時光倒流,如初見般美好。

 

 

Source: Spigen