【 別於一般的智能燈 它是 Zing - AI 智能夜燈 】

Posted by King哥 03/08/2018 0 Comment(s)

唔知大家有冇使用夜燈嘅習慣?夜晚瞓教時開著個小夜燈,有少少光照下屋企,安全感都多D,怕黑嘅人屋企必備。

 

 

其實 King 哥唔怕黑(香港地,夜晚其實唔黑得去邊...),不過屋企都有用夜燈嘅習慣,因為方便夜晚起身飲水或去洗手間時唔洗開大燈,行路唔會仆親,只需要夜燈照光少少條路就可以。如果夜晚突然開房間嘅大燈,太光了,眼睛要等一陣先可以適應,之後要瞓返又需要少少時間,有少少麻煩同有少少辛苦咁囉……

 

開場白講完,智能家居小達人又點會介紹普通夜燈比大家就算?要用,就要用最好嘅!介紹返:智能夜燈 --- Zing!

 

喂,夜燈咋喎,可以有幾智能呀?介紹得就當然唔簡單,Zing 係一個色彩豐富、可以調節燈光色彩及亮度嘅智能夜燈。只要配合 Zing App 就可以完全自行設定想要嘅燈光效果。仲可以設定唔同時間用唔同嘅光,只要入 App set 返個 schedule 就可以了。

 

AI 智能夜燈

Zing 最威威嘅功能,就係佢其實係一個配備左 AI 嘅智能夜燈,最叻就係可以通過 7-10 日嘅機器學習,預測你同家人嘅夜間活動路線,識得喺你行到去之前,就乖乖開定燈等你啦。而且可以透過 Zing App,睇到家中有咩異常活動,可以當做一個家居保安系統添。

 

 

而家嘅人最注重資料安全,你話呢款燈會偵測及預測到屋企人嘅活動?仲連接落手機 App?安唔安全咖?唔洗擔心,呢點 Zing 都考慮埋了。自動預測路徑照明呢個功能會喺每個 Zing 內單獨進行,唔需要連接 WiFi 網絡,所有資對都只會留喺你間屋,外面唔會有人知道您嘅活動。

 

藍牙定位器

當你屋企安裝左幾個 Zing 嘅時候,仲可以將佢用作藍牙物品定位器,兼容市面上大部份藍牙設備,例如鑰匙追蹤、運動手帶、智能手錶、甚至手機,都可以用 Zing 將佢地定位。最正嘅使用方法係連接埋 Alexa 或 Google Home,如何想搵手機放左喺邊,只要問:”OK Google. Where is my phone?” 咁 Google Home 就會啟動 Zing 嘅藍牙定位功能,搵到你部手機原來放左入廁所!

 

 

手機推送通知

係呀係呀,除左手機唔記得放左喺邊,仲會靜音左唔記得!Zing 都明白。例如廚房煮緊餸,就算客廳部電話響到拆天都唔會聽到,呢個時候 Zing 就會發揮佢嘅用處喇:手機有來電或訊息時 Zing 會著唔同嘅燈通知你(可於 App 內自行設定燈的顏色及通知事項),見到盞燈唔同咗,你咪知道有電話囉!方便成日 miss call 嘅大頭蝦。

 

體貼你的睡眠

人人都知道,藍光對眼睛有害, 而且會影響睡眠質素。聰明又體貼嘅 Zing 可以喺你瞓覺前自動減少藍光,提升你嘅睡眠質素。

 

 

另外 Zing 嘅燈光模式入面,有一個「時鐘」模式,用燈環上嘅 2 盞燈提示現在時間,小時會用柔和白燈代表,分鐘則可以自行 App 內設定顏色。從此睇鐘又多左個新方式,而且係非常「夜間友善」嘅方式呢!

 

IFTTT

想你嘅 Zing 有更多貼心功能?Zing 仲兼容 IFTTT,令 Zing 可以同其他智能家居設備協同工作,自行設定令 Zing 更加配合你嘅智能生活吧!

 

寫呢篇文章前,King 哥其實已經決定左要買 5 個裝係屋企,一間房一個,包括廚房洗手間。而家預購中,密切期待到貨! 

 

 

Source: Zing, Internet

*文章謹代表作者個人意見,不代表本公司立場