【 為何選擇 Google Home? 】

Posted by 康 吉 08/06/2018 0 Comment(s) 智能家居,創新科技,

之前在【 近排玩 Google Home 上左癮 】一文中講到,點解唔選擇 Amazon Alexa 或者 Apple HomePod 而係選擇 Google Home,而家會在本篇說明。

 

雖然有好多人問「點解嘅?」都只係講下就算,其實唔係真係想知點解。不過康吉都會在此分享下,當時入手 Goolge Home 考慮嘅 4 大原因,希望可以同大家交流資訊、分享心得。如果你都有意見想分享,或者有問題想問,歡迎留言發表!

 

 

決定入手 Google Home 的原因

 

一) Google 的重度用家

原本就用緊好多 Google 提供的服務,例如 Google Calender, Gmail 等等。當你問 Google Home「how’s my day」的時候,佢可以跟據你 Calender 內的資料話比你知今日會點。以整個配套嚟講,用返同一個服務供應商的智能管家,順理成章。喺度不得不讚下 Google 實太聰明,好多服務都係免費,而且好好用。當你的生活大部分都使用同一個供應商,佢未來發展出來的其它服務,你都會較樂意去使用嘛!

 

Amazon Alexa 方面,佢主力針對美國市場,對於海外客戶的支援其實唔多。而且原本就冇用佢的服務,所以不予考慮。Apple 呢?咁要去到第二點說明。

 

二) 語音識別優勢

 Siri 及 Google 的語音助手康吉都有用過,對比兩者語音識別的速度同準確度方面,個人覺得英文的程度相若,但廣東話方面 Google 就略勝一籌。

 

雖然而家 Apple HomePod 已經支援廣東話而 Google Home 仍然未得,但跟據以往使用經驗,康吉相信,若 Google Home 一旦開放支援廣東話,一定比而家的 Apple HomePod 好用。一定係,除非唔係。

 

三) Google Home 的功能優勢

以下落嚟會好似賣廣告咁,不過的確係 Google Home 以下的功能吸引左我將佢帶返屋企:

 

可以識別唔同人嘅聲音

一個屋企,通常唔止你一個,作為一個稱職的管家,當然要記得每一個人,甚至為每一個人提供唔同嘅服務。Google Home 可以記低每個註冊帳號的獨特聲音,認出聲音主人之後,就跟據每個人唔同嘅喜好,去度身提供適合嗰個人嘅唔同資訊。市面上能夠聽聲辨斷聲音主人的語音助理,相信就係 Google Home 了。

 

注:要 Google Home 最高可認得 6 個人嘅聲音,而官方暫時只在美加、英國及日本等地。而香港則可透過較繁複嘅設定達定做到。有機會小編再講。

 

 

幾部 Google Home 可獨立/同步操作

又一個屋企,有 Budget 嘅話會裝好幾部機喺唔同房間。客廳一個、廚房一個、一個睡房一個、或者洗手間都可以放一個。你可以選擇全屋 Google Home 同步播放一個音樂,一齊 enjoy 同一個 moment。或者呀仔自己喺房播 Rock n Roll,呀爸唔中意就喺廳播 Roman。同一屋簷下,品味唔同,都樂也融融。前提係隔音要做足囉!

 

要唔同人播唔同音樂,只要用 Spotify family account 同埋設定 Google Home 可以識別到唔同人的聲音就可以。 

 

Interactive 比較好

話明要用做智能家居中樞,佢可以控制到幾多物件就能為左考慮的重要因素。控制智能電燈、智能冷氣、智能電視等等,呢方面 Google Home 無得輸,加上自家的 Chromecast、YouTube,成個使用者體驗非常正。

 

四) 更「聰明」、更人性化的對話

憑着原本 Google 的搜尋系統優勢、發展成熟的地圖功能,詢問大部分問題都可以得到滿意的答案,呢方面 Google 的確比 Alexa 及 Siri 聰明。

 

對答方面,可以進行有連貫性的對話(呢點在前一篇文意提過,就唔多講了)、同一句中可以識別到兩個問題、想訓練小朋友的待人接物仲可以調較至禮貌模式……人性化方面真係會令人覺得:「哇!好勁!」

 

仲有個加分位係 Google 特登請左  Pixar 撰稿員為 Google Home 設計生鬼對白,增加佢嘅幽默感,風趣幽默嘅個人助理,相信大家分人都會樂於接受吧。

 

 

以上,就係康吉入手 Google Home 的原因,大家睇完覺得點呢?當然上面提及的只係 Google Home 的部分功能,更多實用功能包括:

 

觀看或收聽媒體

播放音樂、新聞、電台、電子書等等……可選擇你喜歡的媒體或平台,或者 Bluetooth 連接你手機內的音樂播放

 

控制電視、喇叭

只要任何有搭載 Chromecast 的電視機或音響,就可以透過 Google Home 聲控開關、睇電視節目、睇電影、睇YouTube/ YouTube TV、睇你帳號內的 Google Photo、聽音樂等等。仲可以係電視上睇天氣資料。

 

計劃日程

配合唔同的應用程式(因地區情況有所不同),可以達到查詢天氣、日程、約會、提醒、新聞、航班資訊、交通情況(可預估當日路線需時)、本地地區資料(類似 Google Map)等等。一如 Google 對外開放的慣例,Google Home 支援其他第三方為 Google Assistant 編寫的應用程式。

 

工作管理

計時、鬧鐘(例如提我幾點要去開會之類)

 

 

得到答案

計數、翻譯、字典、單位轉換、食物營養資料、財經資訊(股市指數)、運場比賽資訊(下一場球賽的日期地點時間) 、及其他你想知道的資訊。

 

控制家居

控制屋企內的智能設施、IFTTT、門鐘、監視鏡頭等等。

 

玩樂 

可以和 Google Home 玩問答遊戲,不過今次係佢問,你答。或者 keep 返你問佢答,問 d 唔同嘅問題 Google Home 可能會比一個有趣嘅回覆你呢!

 

仲有其他功能但香港區都支援唔到,例如打電話,咁就唔多作描述了,如果有興趣可以去返 Google 睇其它資料。

 

 

*文章謹代表作者個人意見,不代表本公司立場