【 智能家居系列 --- 門鐘 】

Posted by King哥 11/05/2018 0 Comment(s) 智能家居,創新科技,

「智能家居」係一個唔算新嘅話題,不過到而家都仲未算普及。當中主要原因不外乎兩樣:覺得貴、唔識整。其實要將自己屋企智能化,唔洗用劍嘅!跟住 King gor 我,教你一步一步簡單經濟地實現智能家居!

 

簡單嚟講,智能家居系統能夠控制燈光、溫度濕度、影音設備、家電等等,亦可應用於家居保安之中,例如門鐘、門鎖、警報器等等。

 

智能物品會成為你嘅生活好助手,例如天黑幫你開燈,離開屋企幫你關冷氣等等。而且連結上互聯網,可以遠端控制,方便管理。智能化家居除左可以提升生活質素,仲可以幫你慳到錢添!

 

 

一步一步家居智能化 Step 2 --- 智能門鐘

 

講到家居保安方面, 不得不提嘅就係智能門鐘,透過 WiFi 連線,就算唔係屋企,都可以透過手機 App 隨時監視屋企門口嘅情況。

 

最實用嘅一定係門鐘上嘅視像鏡頭,可以拍攝門外即時影像傳遞到手機上面,如果有人㩒鐘,手機會獲取通知,用家可以開啟語音通訊模式,與門外嘅人進行即時對話。

 

例如有速遞送貨上門,撞啱你唔喺屋企。唔緊要,即刻透過智能門鐘,用語音對話請速遞大哥將貨物放喺門口,等你返到屋企先拎入屋。

 

可能有人會怕貨物會被偷走,唔怕,因為一個好嘅智能門鐘,會配備動態感應系統,可以監測屋企門前嘅異動,有人行過你都會知,仲邊洗怕門口啲野比人偷走呀!就算有人有心入屋爆格,你都可以透過智能門鐘第一時間知道。可以用語音對話用「比較有震撼性少少嘅聲音」嚇走佢,然後報警,智能門鐘錄影功能係重要證據,隨時錄到賊人個樣,就方便將賊人繩之於法。

 

 

例子:RemoBell

 

又舉個例子,RemoBell,有齊以上講過嘅功能,而且安裝簡單,簡單到連電線都唔洗駁!用乾電池就可以。唔洗拉線,將佢安裝喺邊度都得。當然啦,用得乾電就功能上有少少捨棄。電量有限,所以錄影鏡頭唔會長時間開住。不過配合動態感應系統,門前有郁動就會透過手機 App 通知你,然後開始錄影,其實都唔算得上咩缺點,而且,乾電池大概可以供電 4 個月,襟用唔洗密密換電。

 

順帶一提,RemoBell 嘅動態感應系統可以自行設定靈敏度,如果屋企門前平時都多人經過,可以設定較低敏感度,等啲人行近啲先發動提示同錄影,將誤觸情況降低。

 

 

RemoBell 錄影片段可以透過付費方式儲存喺雲端,就算唔好彩比人連個門鐘都破壞或者偷埋,都可以雲端 keep 返條片,知道當時發生咩事。而且 RemoBell 有安全保險,如果你嘅 RemoBell 被賊人破壞或偷去,報警處理之後 RemoBell 會送返一個新嘅比你,繼續幫你「看門口」。

 

一個屋企,通常唔只得一個家庭成員,RemoBell 最多可以比 5 位使用者同時登入,就算 A 唔得閒,B 都可以幫手遙距應門,互相補位,一家人嘛。

 

另外錄影功能仲有夜視模式,就算環境昏暗都冇問題;機體可以抵抗唔同天氣,曝曬、落雨都唔驚,實用度非常滿意。

 

最後,RemoBell 仲支援 Alexa Integration,將 RemoBell 同 Alexa 連接一齊,可以享受更高級更智能嘅功添!

 

 

智能家居帶比我地更方便、更舒適、更優質嘅生活,想改造屋企變身智能家居?跟住我 King gor,一下篇繼績教你將屋企智能化!

 

Source: RemoBell

 


 

智能家居系列 - 文章列表:

(一)【 智能家居系列 --- 冷氣 】