【 智能家居系列 --- 冷氣 】

Posted by King哥 04/05/2018 0 Comment(s) 智能家居,創新科技,

「智能家居」係一個唔算新嘅話題,不過到而家都仲未算普及。當中主要原因不外乎兩樣:覺得貴、唔識整。

 

其實要將自己屋企智能化,唔洗用劍嘅!跟住 King gor 我,教你一步一步簡單經濟地實現智能家居!

 

首先同大家科普一下可謂智能家居:

 

(以下段落引用網絡資料:)
智能家居是在互聯網影響之下物聯化的體現。智能家居通過物聯網技術將家中的各種設備(如音視頻設備,照明系統,窗簾控制,空調控制,安防系統,數字影院系統,影音服務器,影櫃系統,網絡家電等)連接到一起,提供家電控制,照明控制,電話遠程控制,室內外遙控,防盜報警,環境監測,暖通控制,紅外轉發以及可編程定時控制等多種功能和手段。與普通家居相比,智能家居不僅具有傳統的居住功能,兼備建築,網絡通信,信息家電,設備自動化,提供全方位的信息交互功能,甚至為各種能源費用節約資金。

 

 

簡單啲講,智能家居系統能夠控制燈光、溫度濕度、影音設備、家電等等,亦可應用於家居保安之中,例如門鐘、門鎖、警報器等等。

 

智能物品會成為你嘅生活好助手,例如天黑幫你開燈,離開屋企幫你關冷氣等等。而且連結上互聯網,可以遠端控制,方便管理。智能化家居除左可以提升生活質素,仲可以幫你慳到錢添!

 

一步一步家居智能化 Step 1 --- 智能冷氣

 

智能冷氣可以帶比我地咩好處呢?好處就多了!唔洗問都知,冷氣機 係屋企入面最㗰電嘅電器之一。香港地,夏天唔開冷氣又頂唔順,對唔住北極熊呀……不過呢,反正要開,只要「智能」地使用冷氣機,例如適當嘅溫度調節,將對環境嘅影響相對減少,唔好話可以慳電先,起碼自己過得舒服之餘良心好過啲。(好似係)

 

 

智能冷氣主要優點:

 

智能溫控
除左配合智能感應裝置感應溫度濕度,自動調節至人體感覺最舒適嘅溫度外。仲可以跟據環境情況,直接幫你開機、關機、或調整空調模式(如出風、抽濕)。太熱開冷氣、太濕自動抽濕,舒適方便。

 

日程安排
Set 定個時間表,配合自己及家人作息時間,到時到候就自動開/關冷氣。有啲仲可以預先設定一個星期嘅日程。無錯,就係方便到咁。

 

分享裝置
大部份智能裝置都可以連結至多於一個智能手機。控制冷氣再只係得一個遙控做到,你得,佢又得,得左。

 

自動開關
除左可以設定時間日程、或因應溫度而開機之外,仲可以連接智能手機嘅定位。當智能裝置察覺所有家庭成員都唔喺屋企,就會自動關機;如果察覺有成員手機定位正接近屋企,就會乖乖開定冷氣等你返來啦!

 

語音控制
進階一啲嘅設定,就係可以連接去智能管家之中(例如 Google Home, Amazon Echo ),到時只要講一句:「OK Google,幫我開冷氣」,手都唔使郁,一個字: 懶  爽。

 

配合 IFTTT

 

(不懂可謂 IFTTT 嘅請看呢度,日後我地亦有機會出一篇詳細介紹的文章)
IFTTT 是一個頗受好評嘅「網路自動連結」服務。它讓各個網路服務之間不再靜態分佈,可以把不同網路串連成「行動」,「如果」 A 服務發生什麼事情,「那麼」 B 服務就做出什麼反應。

 

如果懂得 IFTTT,就可以將其配合令智能冷氣更適合自己需要地運作。例如設定:如果空氣污染指數偏高,就開冷氣。

 

 

唔好以為要整智能冷氣會好麻煩好貴,要成部機換過。其實用你屋企嗰部現有嘅冷氣機,好簡單就可以將佢機變成一部智能冷氣!

 

坊間有一類產品,可以安裝到現有冷氣機上面,設定好之後,就可以盡情享用之前提過智能冷氣嘅超方便功能。

 

例子:Sensibo Sky

 

舉個例子,Sensibo Sky,將呢件產品貼係屋企、連接冷氣、wifi 網絡、手機下載對應嘅 App,最後將所有野 link 埋一齊,就搞掂了。係咪好簡單呢!

 

智能家居可以帶比我地更方便、更舒適、更優質嘅生活,改造過程亦唔難,跟住我 King gor,一下篇繼績教你將家居智能化!