【 手機電池知多D 】

Posted by 康 吉 03/01/2018 0 Comment(s) 最新情報,創新科技,

大家有冇留意呢?近排關於手機電池的消息都唔少。好似 Apple 故意令舊機變慢,要你特登去換電池。又例如 Samsung Note 8 電量 0% 後手機變磚開唔返。睇完呢 D 消息之後,真係覺得手機電池好真係麻煩,但冇左佢又唔得,都真係幾難搞下!然後,關於手機電池保養,坊間又有好多唔同嘅講法,有人話要用每次都用盡電量先好去充電,有人又話唔需要……總之就好亂啦!

 

 

有見及此,小編特意搜集同整理左有關手機鋰電池的正確保養方法,等大家知多 D,好好保養手機電池,希望部手機可以用耐 D。你知啦,而家一部機差唔多成萬銀,去整又貴,唔好好錫住佢點得呀?!

 

問題:

新機買返黎,首次使用前要充 8 小時以上「激活」電池?

 

答案:

世上的確有需要咁樣「激活」的電池 --- 鎳氫電池。鎳氫電池新買返來,或者擺左一排冇用,是需要周期性地將電池放晒電 -> 再充滿 -> 再放晒電 -> 再充滿,經過幾次完全充電放電後,先可以達到鎳氫電池的標準電容量。

 

不過!!!而家呢個年代,手機電池多數都是鋰離子電池。鋰離子電池並唔需要進行以上提及的充電放電激活電池。相反,過度充電或過度放電都會令鋰離子電池壽命縮短。不過,大部份裝置都會設立保護電路設計,當電量達到某個標準就會自動停止充電或關機以保護電池。

 

 

問題:

手機最好用到完全冇電,然後一定要等充滿電先用?

 

答案:

呢 D 方法大概只適用於上一個年代。今時今日手機的鋰離子電池,其實最好保持電量在 20-80%,不需要一定等到冇電先去充,方便幾時有得充就幾時充啦!

 

問題:

邊玩手機邊充電,冇問題的吧?

 

答案:

基本上冇問題,上面都提過,大部份裝置都有保護電路設計,例如 iPhone,充滿電時會停止充電,然後直接向充電器取電以供手機使用,所以邊充邊用都唔會有太大問題。之不過,鋰離子電池的弱點是溫度,如果邊玩邊充電有機會令手機發熱,令電池壽命下降。

 

延伸:鋰離子電池的最適溫度

跟據 Apple 官方指引,16° 至 22° C 是裝置最理想的環境溫度範圍。如果裝置暴露於 35° C 以上的環境溫度,有機會造成電池的永久損害。而在極為寒冷的環境中使用裝置,亦可能會發現電池使用時間縮短。所以電池的溫度太高或太低都對電池唔好,大家要注意喇!

 

 

問題:

一定要用跟機的原廠充電器?

 

答案:

最好啦!因為跟機的原廠充電器電壓設計上一定是最適合該裝置的。如果真係有需要添置額外的充電設備,最好就選擇口碑好信譽高的品牌,並留意電壓是否適合,咁就用得安心又放心啦!

 

推介:

Spigen Wireless Charger

Moshi Lightning Cable

 

 

問題:

充電時需要移除保護殼嗎?

 

答案:

因為手機電池對溫度敏感,所以建議充電時將某 D 類型的保護殼移除,以免出現過熱的情況。又不過,正常大都唔想將個殼又除又拆,好麻煩㗎嘛!所以大家選擇保護殼時可以留意一 D 散熱功能較好的保護殼。

 

推介:

Spigen Case

Moshi SuperSkin

Power Support Air Jacket

SwitchEasy FLEUR

 

↓順帶一提,Spigen Case 大部份都設有獨特的散熱紋路,就算厚重的防摔設計都兼顧到散熱考量!

 

問題:

需要長期存放,有咩特別留意的地方?

 

答案:

就算買左新機,好多人都會保留舊機當後備電話用。但如要想長期存放,就需要留意存放溫度,同埋 Keep 一半電。其實保存電子產品都差唔多,最好放在陰涼、乾燥的地方。鋰離子電池就最好保留一半電量,如果要存放 6 個月以上,就最好年 6 個月充一充電至到 50%。

 

講左咁多,大家係咪對自己部手機了解多左呢?希望大家都可以好好維護保養你的手機電池啦!

 

Source: Apple