【 薄殼推介 】

Posted by 康 吉 08/01/2018 0 Comment(s) 生活品味,

唔知大家選擇手機殼的傾向會係著重防撞力高?定同小編一樣中意輕薄的殼呢?

選擇輕薄的殼,防撞程度自然冇厚重的保護殼高,但可以保留手機最大原貌,對品牌粉絲來講,係一個好重要嘅因素!

 

 

另外薄殼雖然防撞比較弱(但某些品牌都有一定的防撞功能,詳細以後會說),但至少可以防止刮花手機。而且保護殼夠輕夠薄,手機放褲袋都唔會 ”Un” 住,手機殼太厚,成部機厚左一倍,分分鐘放唔落褲袋囉!唔係話厚重嘅殼唔好,各花入各眼,每個人嘅偏好都唔同,以上都只係小編個人意見姐。

 

講左咁耐,入正題喇,正式為大家介紹:小編推介優質輕薄保護殼之選!

 

 

Power Support Air Jacket 極簡之餘更多添一分禪意

正如剛才提及,就算輕薄的殼都會有一定程度的防撞保護,例如 Power Support Air Jacket。輕薄同時提供四角的周全保護,緩衝撞擊力,保護殼原料不發黃,自我修復塗料,能自我復元輕微損害的花痕,提供周全保護。

 

日本的極簡設計永遠都多一分禪意,你睇佢無論清透、磨沙、實黑色定透明黑色都一樣同 iPhone Perfect Match!

 

 

Moshi XT 超薄極簡、完美包覆

Moshi XT 透明超薄保護背殼,是另一款推介的硬身保護殼。除左實體按鍵的位置,其餘位置都得到妥善包覆,而且貼心地加高左邊框,手機反轉置於桌面都唔擔心會刮到螢幕。表面採硬化技術處理,讓機身最大程度免受外界劃傷和衝擊,是輕薄且防衝擊性能較高的其中一款。

 

 

Spigen Thin Fit 堅實可靠的保護

輕巧耐用的防震強化 PC 材質,提供極薄極簡的防撞保護。同樣加高至可以保護到螢幕及相機,而且多款豐富色彩任君選擇。配襯手機不失原機味道之餘又可以多一分個性。

 

如果嫌以上幾款保護殼都「太厚」,仲有以下幾款「超薄」之選:

 

 

Moshi SuperSkin

如同隱形的極致透薄!初初拎上手,真係比佢嚇親!黑白兩款顏色,黑色都仲見到,白色 - 其實透明 - 真係好透明!存在感差 D 去到零,係零呀!而套上機之後,真係唔多覺佢存在!建議黑機用黑色、白機用白色,個殼用上去效果真係一流!

 

 

Spigen Air Skin

呢個同樣超薄,但有返少少存在感。個名叫 Air Skin,就如空氣般透薄。優質硬性 PP 物料加上佢獨特的霜花面飾技術,提供防指紋功能及舒適握感。精準的切口無阻使用手機的便捷性,貼身設計方便放入衫袋。

 

 

SwitchEasy 0.35 Ultra Slim

以 PP製造,非常靈活及耐刮擦。正如產品名稱一樣,厚度只有 0.35 mm!而重量只有 4g !而呢款亦係唯一一款除黑白色以外,仲有其它顏色選擇的款式。想手機特別 D 嘅,選擇呢款都唔錯㗎!

 

以上的保護殼都好輕好薄,有人同小編講過:咁不如唔好用啦!的確,想保留原機最原本的風味,的確裸機最好,但始終有個保險,個心都安定 D 嘅,小編就咁睇,唔知大家又點睇?