📣📣📣凡購物滿 HK$ 1000 即享全單 8 折優惠!包括聖誕優惠套裝,折上折機會難逢,立即取得優惠碼歡渡佳節!🎅🎄🎉 Merry Christmas!🎄🎊🎁

【 母親節我收到我媽送我的禮物 】

Posted by 小丸子 15/06/2018 0 Comment(s) 創新科技,生活品味,

大家好,我係新小編 --- 小丸子!

名字由來係因為我仲意小九子。我地性格相似,小丸子做過嘅事,都係我童年嘅一部份,亦唔止一個朋友同我講:「你好似小丸子呀!」哈哈!

 

但係人大左,再冇好似小丸子咁天真傻氣、亦唔可以再好似佢咁賴散同跳皮。特別係出嚟工作之後,膊頭上面嘅野多左,個人冇再咁跳跳紮紮lu… 可能因為咁啦,我發現我嘅體能好似真係差左。懶墮唔做運動,應該係我個人第二大缺點。

 

你問我第一大缺點係咩?

 

 

媽媽投訴我成日都唔聽佢電話、Whatsapp 又不讀不回,有時我 OT 夜左,都唔知洗唔洗留飯比我。朋友亦投訴,話我再唔聽電話就快會斷六親了…

 

係嘅係嘅, “Always miss calls” 就係我個人最大嘅缺點,但我真係唔係有心唔聽電話、唔覆訊息咖……

 

上個月母親節,打算做個孝順女同媽媽家姐行街。點知,就喺母親節呢日,我收到我媽媽送嘅禮物!冇錯,係我媽送我。佢要求我要好好利用呢份禮物嘅功能,就係送比佢最好的禮物。哇!我真係又開心又唔好意思又感動,咁大個人仲要媽媽擔心,喺度借個位同媽媽講:I Love You 媽!

 

媽媽送我嘅禮物係 Fitbit Versa,真係知女莫若母!因為我一直都好想要一隻好似 Apple Watch 咁好睇嘅智能錶,但我又唔用 iPhone,亦唔想因為想用 Apple Watch 而轉會用 iPhone 喎。所以呢隻 Fitbit Versa 真係 ~超 ~級 ~適 ~合 ~我!

 

 

以前我會咁講:「我唔羨慕你用 iPhone,但我羨慕你用 Apple Watch。」

而家我會咁講:「我有比 Apple Watch 更好睇嘅 Fitbit Versa!Hohoooohoh~!!!」

 

我手腕天生幼細,戴錶其實唔好睇。

Apple Watch 錶帶平直,戴起上嚟錶帶唔貼合手腕,好似起左個角咁。然後 38mm 我又覺得細,但 42mm 又覺得太大太厚,載上手超奇怪。而 Fitbit Versa 嘅錶帶係彎彎地立體嘅,戴上手緊貼手腕,感覺相當輕巧。超薄鋁外殼以及更為圓滑嘅螢幕設計,令整體感覺中性化,cutting 同 size 都啱啱好,就好似為我呢類中性得嚟又帶 d 淑女 feel 嘅我而設咁,哈哈。

 

同事們都用 Apple Watch,佢地話我知差唔多 1-2 日就需要充電。但 Fitbit Versa 擁有長達 4 日嘅續航力,真係啱晒又懶又成日唔記得充電的我。

 

 

Fitbit Versa 可以監察心跳、步數、每小時活動據據等數據。唔用都唔發覺,唔做運動嘅我,每日心跳最高時段係返工前(就嚟遲到嗰陣)。而當我坐 office 太久,又會提示我要起身行下活動下。仲可以根據各種運動,自動偵測並作出監察駛,例如可以自動判斷跑步、踩單車、游水等。雖然暫時只跑過 2 次,不過都係好嘅開始呀。

 

不過 Fitbit Versa 冇內建 GPS,如果想記錄更詳細嘅運動距離同位置,就要配合手機,咁我就買左 Adidas armband Red,出去跑多麼的型!

 

Fitbit Versa 內置儲存空間,可以儲存多達 300 首音樂,只需要利用藍牙配對耳機,就可以無拘無束聽歌做運動。不過,老實講,跑步我會帶手機,呢個內存音樂嘅功能,我暫時都唔多需要用。

 

手錶除左提升我對運動嘅興趣,亦可以全天候監我嘅睡眠狀態同查看睡眠質素。例如深層睡眠時間與及不同時段下嘅心率變化,掌握自己身體嘅健康狀況。呢個月,我真係有早左瞓,因為手錶每晚都提我係時候夠鐘要瞓教。靜靜雞講你知,手錶嘅提示震動比起媽媽日哦夜哦聲來得舒服好多。 

 

 

用左 3 個星期,Fitbit App 更新推出全新女性健康功能,目的係希望幫助女性了解自己生理週期同身心健康嘅關係。當中包括:個人生理週期、預計週期時間等唔同功能,當女性用家輸入各種數據,就會自動為用家計算出唔同嘅日期。我覺得呢個功能真係好啱我呢個大頭蝦,提示我要 M巾旁身

 

重點嚟了,最重要,好最要嘅係,自從用左 Fitbit Versa 智能手錶,我再冇 miss 到媽媽 call 啦。多得手錶嘅通知功能同快速回覆功能,可以由手錶上收到來電、行事曆、簡訊及及應用程式通知。全新 OS 更可以預先儲存 5 組唔同訊息,並直接喺錶面上選擇並進行回覆。好彩我用嘅係 Android 手機,因為快速回覆訊息功能僅限 Android 用家,哈哈。

 

 

 

*文章謹代表作者個人意見,不代表本公司立場