【 去旅行啦!教你點揀一個最啱你嘅行李箱 】

Posted by 小 雲 17/04/2018 0 Comment(s) 生活品味,

去旅行好開心,因為可以暫時拋開一下現實,享受仿如天堂般的自由自在。除左背包客,一個好的行李箱絕對係旅程嘅重要伴侶。堅固耐用就基本啦,仲有就係要順滑易拖行,行走時可以省時省力,加上外表美觀的話,心情都靚D呀!

而市面上的行李箱有咁多款,究竟去旅行要點揀箱?帶幾大個箱去先夠呢?硬箱好定還是軟箱好呢?呢個款同嗰個款又有咩分別呀?

其實,以上的問題都冇一個標準答案,尤其行李箱的大小尺寸都要視乎需要及情況而因人而異。小雲整理左以下選擇行李箱可以參考的標準,大家睇完就知點揀適合自己嘅箱啦!

 

 

一) 尺寸

行李箱的尺寸可以根據你的旅行日數來決定:

20 寸:1 - 3 日,可以 hand-carry 上飛機。 * 請注意各航空公司的登機手提行李規定
26 寸:3 - 7 日,機場最常見的尺寸,人買我買就對了咦(?)
29 寸:7 - 10 日 或會買好多野嘅人。

不過小雲係 pack 行李高手,而且會帶去目的地用嘅物品都一切從簡,就算去 10 日旅行都帶 26 寸就夠用。除非去落雪嘅地方,D衫厚D要用多D位置,就要 29 寸先夠放喇!

 

二) 材質

指的是外殼材質,大致可分為硬箱及軟箱:

硬箱:防水、保護性高、重
軟箱:收納空間較有彈性、輕

若要細分的話,可分以下幾種:

鋁鎂合金:堅固、質感好,但最重、最貴
PC:輕盈,但脆弱
PP:耐撞
ABS:防刮
ABS + PC:輕盈、耐刮,性價比最高!

 

三) 輪子

開頭都講過,一個好嘅行李箱一定要順滑易拖行、好推好拉、好輕好拎、好襟好靚、好平好洗又好用(喂好似冇講咁多!)

好喇認真,行李箱好推好拉的重點在於個「轆」。「轆」有分單輪、飛機輪、 360 度輪、四大輪、兩輪、兩大兩小輪等等。而且拖行時靜音都緊要,唔係你一拖個箱,就即刻變成全場焦點……除非呢個係你嘅目的。

小雲個人最 like 一定係 360 度四大輪,真心推薦,穩陣好推、轉彎不費力,用過之後就返唔到轉頭!

 

 

四) 鎖

鎖匙款:有唔見鎖匙嘅風險
一般密碼鎖:唔怕唔見鎖匙,但海關若打開檢查會直接破壞鎖
TSA 美國海關密碼鎖:密碼不易被破解,海關若打開檢查也不會被破壞鎖

 

五) 打開方式

拉鍊款:輕、方便拿取物品。需要時打開一個小口就可以申手入去拎。
鋁框款:重、安全性高,不易被打開。

 

六) 拉桿

「ㄇ」字款比「T」字款更容易控制方向,亦比較好施力。仲可以將手提旅行袋掛喺「ㄇ」字桿上方便固定,直接拉住行。

 

七) 外觀

雖然話行李箱來來去去都咁嘅樣,但五顏六色都夠你慢慢揀。而市面上亦有品牌同唔同單位合作推出 corssover 款,又潮又型,又有 meaning!

 

總結

其實每一個唔同款式都有唔同嘅功能配合唔同需要,了解自己需要、參考別人意見,就可以買到一個岩心水嘅行李箱啦!

 

推介

Centurion 百夫長行李箱,材質 ABS + PC 輕量耐用,四個大 360 度飛機輪,內建 TSA 美國海關密碼鎖。重點係外觀時尚,亮面設計加上超多顏色花款選擇,特定款式仲有金屬光澤,質感度大大提升,撞款機會率下降!而且價格實惠,3 個尺寸的價錢是 一 樣 的!唔洗擔心 over budget 放心揀一個適合的 size !