📣📣📣凡購物滿 HK$ 1000 即享全單 8 折優惠!包括聖誕優惠套裝,折上折機會難逢,立即取得優惠碼歡渡佳節!🎅🎄🎉 Merry Christmas!🎄🎊🎁

【 Impossible Is Nothing - 細味 Adidas 從運動鞋履到經典潮流品牌之路 】

Posted by 小 雲 22/06/2018 0 Comment(s) 生活品味,

Adidas 始於 1949 年,專門生產運動鞋履用品。創辦人係 Adolf Adi Dassler 先生,唔難想像,Adidas 就係以佢本人嘅名字而命名。佢係一位擁有運動員身份同非凡製鞋技術嘅德國人。本身就係運動員嘅佢,充分了解運動員嘅需要,加上精巧嘅手藝與發明天才,Adi Dassler 一生中研發左 700 幾種同運動有關嘅專利產品,創立 Adidas 這個運動用品王國。

 

秉持為運動家設計製作出最適合運動鞋嘅精神,Adi Dassler 協助過唔少運動選手締造佳績。1954 年世界盃足球賽,德國隊因為 Adidas 可自由更換拆卸鞋釘嘅釘鞋,喺雨中換上抓地力更強嘅長釘之後取得勝利。到左 1974 年嘅世界盃足球賽,當中就有 80% 出場球員都選用左 Adidas 嘅足球鞋。

 

 

Adi Dassler 曾謙遜地說:

 

People may call me the father if the modern sport industry, but all I am is an athlete that saw a benefit to improving equipment.

(人們或者叫我作現代運動用品產業之父,但我其實只是一個看到改善運動裝備好處的運動員而已。)

 

Adidas 嘅服裝及運動鞋設計通常都可見到 3 條平行線的 logo 標誌,係一個非常搶眼同 iconic 嘅設計。1972 年,Adidas 再推出在服裝飾品上廣泛使用眾所皆知的三葉商標。呢個 Logo 如同地球立體三維平面展開,就好似一張世界地圖咁,象徵著三條紋延伸至全世界。小雲覺得,呢個 logo 仲表現出 Adidas 想用品牌征服世界嘅野心!

 

 

要數返 Adidas 嘅成功主要係歸功 Adi Dassler 先生嘅長子 Horst Dassler 嘅行銷及大眾傳播天份。Horst 了解到促銷活動對建立運動品牌形象嘅重要性,親自出席 1956 年喺澳洲墨爾本舉行嘅奧運並促銷 Adidas 品牌,佢創新嘅 idea 令佢成為現代運動行銷嘅鼻祖。隨著全球行銷網路持續地設立,Adidas 喺運動用品市場日漸舉足輕重、享有盛名。

 

Adidas Originals 時常集結不同族群、不同文化嘅跨界原創力一齊舉辦活動,包括音樂、舞蹈、時尚領域等,提出跨界原創概念,將三葉草原創精神推廣至唔同文化族群之消費者,並成為現今其中一個時尚潮流標誌。

 

 

如今 Adidas 產品多元,為參與唔同運動項目如籃球、足球、高爾夫球、跑步、網球等人士提供一系列嘅裝備,包括鞋類、服飾及配件。同時亦喺街頭風格嘅時尚界佔有一個重要嘅位置。

 

下次將 Adidas 用品著上身時,不妨向呢位致力改善運動裝備的工匠、發明家、運動員致敬!

 

 

Source: adidas, website