【 iPhone X 實用小技巧 】

Posted by 康 吉 30/11/2017 0 Comment(s) iOS,

iPhone X 上左市一段時間,唔知大家用成點呢?iPhone X 有好多新的操作手勢,大家又識應左未呀?以下整理幾個 iPhone X 實用小技巧,如果你地仲有其他實用技巧,歡迎留言話我地知啊!

 

1. 更快捷解鎖 FaceID
仲係度「 痴痴地等 」個鎖頭 icon 解鎖?其實唔洗等咖!FaceID 好快就掃描左你個樣,正常情況下你一拎起部電話就可以向上掃開機。

 

 

2. 快速打開 App Switcher
Apple 官方教法係,將螢幕底部的 gesture bar 輕輕按住然後將手指移到螢幕中間,等陣就會震動及出現 App Switcher。但係咁樣好慢喎,又要等…… 教你一個快少少嘅方法:同樣將 gesture bar 向上拉,但唔係去螢幕中間,而係側邊(兩邊都得,睇你邊邊順手)

 

 

3. 快速切換應用程式 
在主頁左右滑動 gesture bar 就可以快速地切換前一個使用中的 Apps,真的超方便!

 

 

4. 整返個 home button 出黎
iPhone X 移除實體 home button 後雖然已經配置返各種方便的操作模式,但,總有用唔慣的使用者,所以 iPhone X 仍然可以 set 返個虛擬 home button 出黎。
步驟如下:
設定 > 一般 > 輔助使用 > 開啟 Assistive Touch
Assistive Touch 內仲可以自訂自己喜歡的功能,只要在 Assistive Touch 有關選項按下「自訂最上層選單…」或直接在「自訂動作」欄目進行設定。

 

 

5. 顯示剩餘電量
iOS 預設都唔會 show 個電量數字出黎,以前你可以自己去設定度較返 show 出黎。不過新 iPhone X 就冇左呢個 setting!要睇電量,就要開返個控制中心出黎睇喇! ( 從右上角的 "耳仔" 向下掃,就可打開控制中心 )

 

 

6. 把螢幕「 移下來 」
手指唔夠長?將 gesture bar 向下掃,整個螢幕會向下移,令你可以單手就掂到原本喺螢幕上方嘅東西,例如拉出控制中心:

不過呢個功能要自己去 set 先有:
設定 > 一般 > 輔助使用 > 開啟互動下方的「單手模式」

 

 

7. 關閉 FaceID
雖然諗唔到呢個功能有咩用,但 iPhone X 都貼心地為你設立一個方法可以緊急關閉 FaceID:快速地按側邊的電源鍵 5 下,就可以緊急關閉 FaceID,然後 iPhone X 就需要你輸入密碼先可以解鎖。

 

 

8. 用你個樣熄鬧鐘
好有趣嘅功能,就係用平時解鎖 FaceID 的方法:拎起、望住,iPhone X 鬧鐘就會慢慢降低音量……嗯,有點似以前比訓導老師望住,心虛嘅時候,聲都唔敢出……

 

 

9. Animoji
iPhone X 不得不提就係 Animoji 吧!除左大部份人都知道,可以將 Animoji 當作 10 秒短片 send 比人之外,仲可以作為 sticker 咁喺 iMessage 度 send 比人咖!

 

 

10. Force quit 強制退出
Apple 已經講左,kill App 其實會更浪費電。不過,有時個 App short 係度左唔識郁,除左 force quit 之外別無他法嘅時候,都要用到呢個功能。只不過要係 iPhone X 操作可能比以往麻煩:
首先打開 App Switcher,然後長按想關閉的 App,等到一個小紅點出現在左上角,再按一下紅點或向上掃想 kill 的 App 就可以。

 

 

11.貼擊喚醒
好多 Android 機已有「 雙擊喚醒 」功能,iPhone X 今次都有喇!不過只需「 單擊 」就可以了。點擊 iPhone X 螢幕任何一處都可以,呢個功能最方便就係當你只需要睇一睇時間或通知,唔需要 FaceID 解鎖嘅時候。

 

 

12. 更更更 更省電!
AppleInsider 做了一個可以節省 iPhone X 60% 電力的測試!只要將 iPhone X 的桌面設定成黑色、smart invert colors 同灰階,就可以省電!
原理係 iPhone X 的 OLED 螢幕,當顏色係「 黑色 」時,其實就係將該單位的 OLED 熄左佢。熄左,咪唔洗用電囉!當整個熒幕處於較暗和灰階(黑白)狀態,OLED 螢幕自然就用少好多電!

 

 

Source: Mashable