【 改變,從了解自己的身體開始 】

Posted by 小丸子 08/08/2018 0 Comment(s) 健康資訊,生活品味,

自從上次母親節媽媽送我 Fitbit Versa 之後(詳見此文),小丸子我除左再冇 miss call 之外,仲因為手錶上嘅運動狀態監察功能,提醒左我要多d做運動!雖然仍然未養成日日運動嘅好習慣,但都由「從來唔郁」慢慢轉變成為大概一星期去跑步 2-3 次~ 有少少覺得自己好叻,嘻!

 

既然開始做運動,就順便 keep fit 減肥啦!不過,我知道減肥唔係一味淨係減磅減重量就得。要減得健康,仲要留意脂肪、肌肉、水份甚至 BMI 等數據。重量唔代表一切,重要係比例平衡!所以,一個可以測量除體重外其他數據嘅磅就好重要喇!

 

Noerden Minimi 智能體脂磅 剛好啱曬我要求,一齊嚟睇下小丸子點樣用啦! 

 

 

Noerden Minimi 有黑白兩色可選,因為覺得白色比較襯屋企,所以就帶咗佢返屋企。純白機身、玻璃面板、銀色金屬傳感器,設計上冇太多累贅,四四正正咁幾靚㗎! 面板玻璃採用強化玻璃,冇咁易爛,安全性高啲,個心又安樂啲。隱藏式 LCD 顯示屏,待機狀態下唔覺有野,但當你開機踩上去,數字就會顯示出嚟,清楚易讀,幾有趣! 

 

智能體脂磅會以 BIA 生物電阻抗技術測量身體其他數據,所以需要雙腳直接踩上四個金屬傳感器上面,著住鞋襪嘅話就度唔到㗎啦!

 

用智能手機下載 Noerden App,藍牙連接體脂磅,就可以睇到你身體各項數據嘅測量結果。 

 

 

App 會話你知你每個數據係「標準」、「偏高」定或是「偏低」。如果唔太清楚嗰個數據具體其實講緊啲咩,到底係咩意思,只要用手指撳入嗰個項目,就會進入一個解釋頁面,那年會有詳盡的說明,數據過高或過低要點樣做等⋯⋯

 

 

小丸子最中意嘅就係 App 會為我記錄以往數據,仲會用圖表形式表達出黎,一目了然。睇到圖表就可以知道自己近排身體變化,係一個好好嘅 減肥 保持健康推動力!

 

而且 App 仲可以設定提醒,提醒自己係時候過下磅,mon 住自己身體變化,啱晒金魚記憶嘅我喇!

 

 

Source: Noerden Minimi

 

*文章謹代表作者個人意見,不代表本公司立場